高島市線上Tour

日本單車旅行,其中一次最正就係去琵琶湖環湖。琵琶湖係日本最大湖泊,環湖一周大約200公里,我用咗3日完成,全程都可以睇到琵琶湖嘅靚景,而且都係平路好易踩。最正嘅其中一段就係高島市一帶,去到白鬚神社可以見到好壯觀嘅湖中大鳥居。另外仲有海津大崎——4公里嘅路兩傍種有800棵染井吉野櫻,可惜我去嘅時候櫻花未開,踩單車穿過櫻林一定好正!

早兩日參加咗高島市觀光局搞嘅線上旅行團,高島市其實仲有好多嘢玩,介紹幾個俾大家,希望疫情過後可以再去多次慢慢玩啦~

高島市農業公園牧野Pic-land

如果鍾意摘生果,就要去高島市農業公園牧野Pic-land。唔同季節可以體驗採摘唔同嘅生果,包括栗子、葡萄、蘋果、番薯、櫻桃、藍莓等等。

摘完生果,仲可以去埋園內嘅Café同餐廳,其中水杉並木Cafe由美國的戶外品牌Coleman聯乘合作去裝飾店內環境,有如在戶外露營嘅氣氛,好適合去打卡影相,更可以品嚐從果樹園收穫嘅當造水果製成的甜品。

高島市農業公園牧野Pic-land
地址:高島市牧野町寺久保835-1
詳細可到高島市農業公園牧野Pic-land網站
https://pic-land.com/

箱館山滑雪場

如果鍾意滑雪,就一定要冬天來一次箱館山滑雪場。乘搭纜車約8分鐘,就能到達630米高嘅滑雪場,滑雪同時更可以從山上欣賞山下的琵琶湖。呢度最特別就係雪上泛舟體驗,關西地區只有箱館山能夠體驗。另外仲有以雪上電單車拉著漂流船於雪地上奔馳,可以一邊行駛一邊欣賞晴朗天氣下嘅美麗景色。而且價錢好平,只需要35港元就可以體驗。

另外滑雪場內嘅芭菲專門店「LAMP」都好值得去,用燈做主題嘅店內有好多燈作裝飾,係一個以晚間森林作概念嘅空間。而芭菲店嘅人氣餐點就係選用季節當造嘅生果,堆砌出豐富的原創口味芭菲,盛載芭菲嘅容器更加係燈型狀設計,再配上LED燈去映照,味道美味之餘更賣相吸睛。

就算夏天來滑雪場,都可以來呢度賞花,7月中旬至10月上旬滑雪場會變身成牽牛花花田。另外,約630米高嘅琵琶湖之丘展望台,能夠一次過飽覽琵琶湖嘅壯大景觀,更加可以體驗舊年新設嘅天空韆鞦「BIWAKO SWING」。

箱館山滑雪場
地址:滋賀縣高島市今津町日置前
詳細可到箱館山滑雪場網站
https://www.hakodateyama.com/winter/

芭菲專門店LAMP
地址:滋賀縣高島市今津町日置前
詳細可到芭菲專門店LAMP網站
https://www.hakodateyama.com/lamp/

特産品

雖然係線上Tour,但都有得享受下實體嘢!最鍾意就係近江牛咖哩同鰻魚茶漬,喺屋企簡單整返熱就可以品嚐到日本嘅味道,真係越食越掛住日本,希望快啲可以再去啦~

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s